செய்தி விவரங்கள்

ஆண்களே! உங்களுக்கு விறைப்புத்தன்மை பிரச்சனை வரப் போவதை உணர்த்தும் அறிகுறிகள்!

அதிகாலையில் விறைப்பு ஏற்படாமல் இருப்பது

பொதுவாக ஆண்களுக்கு இரவு மற்றும் அதிகாலையில் ஒருவித பாலுணர்ச்சி உடலினுள் தூண்டப்பட்டு விறைப்பு ஏற்படுவது வழக்கம். இதற்கு காரணம் மூளையில் இருந்து குறைவான அளவில்

நார்அட்ரினலின் வெளியிடுவதால் தான். நார்அட்ரினலின் என்பது ஒரு ஹார்மோன். இது தூக்கத்தில் கூட விறைப்பை உண்டாக்கும்.

ஆண்களுக்கு காலையில் அடிக்கடி விறைப்பு ஏற்படுவது நல்லது தான். ஏனெனில் இதன் மூலம் ஆணுறுப்பில் உள்ள இரத்த நாளங்களில் இரத்த ஓட்டம் சிறப்பாக இருப்பதை தெரிந்து கொள்ளலாம். ஆனால் சமீப காலமாக நீங்கள் அதிகாலையில் எழும் போது விறைப்பு ஏற்படாமல் இருப்பதை கவனித்து வந்தால், உங்கள் ஆணுறுப்பில் இரத்த ஓட்டம் போதுமானதாக இல்லை என்று அர்த்தம். எனவே இம்மாதிரியான அறிகுறியை நீங்கள் சந்தித்தால், விறைப்புத்தன்மை பிரச்சனையால் அவஸ்தைப்படப் போகிறீர்கள் என்று அர்த்தம். இந்நிலையில் ஆணுறுப்பில் இரத்த ஓட்டத்தை அதிகரிக்கும் உணவுகளை உட்கொண்டு வாருங்கள்.

செக்ஸ் பற்றிய எண்ணமே வராமல் இருப்பது

டெஸ்டோஸ்டிரோன் என்னும் முக்கியமான ஹார்மோன் தான் உடலுறுவில் ஈடுபடத் தூண்டுகிறது. ஆனால் ஒரு ஆணுக்கு எப்போது உடலுறவில் ஈடுபட வேண்டுமென்ற எண்ணம் தோன்றாமல் இருக்கிறதோ, அந்த ஆணின் உடலில் டெஸ்டோஸ்டிரோன் வழக்கத்திற்கு மாறாக குறைவாக உள்ளது என்று அர்த்தம். ஒரு ஆணின் உடலில் டெஸ்டோஸ்டிரோன் குறைவான அளவில் இருந்தால், களைப்பு அல்லது மனநிலையில் மாற்றம், உடல் தசைகளை வளர்ப்பதில் சிரமம் போன்ற இதர அறிகுறிகளையும் உணரக்கூடும்.

கொலஸ்ட்ரால் மற்றும் இரத்த அழுத்தம் அதிக அளவில் இருப்பது

ஆண்கள் 30 வயதிற்கு மேல் வருடத்திற்கு ஒருமுறை முழு உடல் பரிசோதனையை மேற்கொள்ள வேண்டியது மிகவும் முக்கியம். இந்த பரிசோதனையைக் கொண்டே விறைப்புத்தன்மை பிரச்சனை ஏற்பட வாய்ப்புள்ளதா என்பதை அறியலாம். அதுவும் இரண்டு வகையான பரிசோதனையக் கொண்டே அதை தெரிந்து கொள்ளலாம். அவை உயர் கொலஸ்ட்ரால் மற்றும் உயர் இரத்த அழுத்தம் என்பவைகளாகும்.

ஒரு ஆணின் உடலில் கொலஸ்ட்ரால் அளவானது 240 mg/dL அல்லது அதற்கும் அதிகமாக இருந்தால், அதே சமயம் இரத்த அழுத்தத்தை ஒரு முறைக்கு இரண்டு முறை பரிசோதிக்கும் போது அதிக அளவில் காட்டினால், அந்த ஆணுக்கு விறைப்புத்தன்மை பிரச்சனை ஏற்படும் வாய்ப்புள்ளது.

இதற்கு காரணம் உயர் கொலஸ்ட்ரால் மற்றும் உயர் இரத்த அழுத்தம் இரத்த நாளங்களின் நெகிழ்வுத்தன்மையை இழக்கச் செய்து, இரத்த நாளங்களைப் பெரிதாக பாதிக்கிறது. இதன் விளைவாக அந்தரங்க பகுதிகளில் உள்ள இரத்த ஓட்டத்தில் இடையூறு ஏற்பட்டு, விறைப்புத்தன்மை பிரச்சனையை உண்டாக்குகிறது.

நாட்டு வைத்தியங்கள்!

புதிய மருந்துகளை எடுக்க ஆரம்பிப்பது

மன இறுக்க நிவாரணிகள் மற்றும் உயர் இரத்த அழுத்தத்திற்கான மருந்துகள் போன்றவைகளும் ஒரு ஆணின் விறைப்புத்தன்மையில் பாதிப்பை உண்டாக்கும் என்பது தெரியுமா? ஏனெனில் இம்மருந்துகளில் உள்ள குறிப்பிட்ட உட்பொருட்கள் பாலுணர்ச்சியைப் பாதித்து, விறைப்பு ஏற்படுவதில் சிரமத்தை உண்டாக்கும். இந்த மாற்றத்தை புதிய மருந்துகள் எடுத்துக் கொண்டு இரண்டு வாரங்களிலேயே நன்கு காண முடியும்.

இரத்த அழுத்தத்தைக் குறைக்கும் மருந்துகள், ஒருவரது இரத்த அழுத்தத்தைக் குறைக்கலாம். மேலும் இது ஒட்டுமொத்த உடல் ஆரோக்கியத்திற்கும் நல்லது தான். ஆனால் செக்ஸ் வாழ்க்கைக்கு இம்மருந்து மிகவும் மோசமாக பாதிக்கும்.

ஈறுகளில் வீக்கம் அல்லது எளிதில் இரத்தக்கசிவு ஏற்படுவது

ஈறுகள் வீக்கத்துடனோ, வலியுடனோ அல்லது பற்களைத் துலக்கும் போது இரத்தக்கசிவையோ உண்டாக்கினால், அது ஈறு நோய்களுக்கான அறிகுறிகளாகும். இது நேரடியாக விறைப்புத்தன்மையை உண்டாக்காவிட்டாலும், ஒரு தொடர்ச்சியான ஒரு பிரச்சனை நிகழ்வை உடலினுள் ஏற்படுத்தி, அதன் விளைவாக விறைப்புத்தன்மை பிரச்சனையை ஏற்படுத்தும்.

ஒருவருக்கு ஈறு நோய்கள் இருந்தால், அது ஒட்டுமொத்த உடல் முழுவதும் அழற்சியை உண்டாக்கி, இரத்த நாளங்களில் பாதிப்பை ஏற்படுத்தும். இரத்த நாளங்கள் சரியாக செயல்படாமல் போனால், உடலினுள் முக்கியமான அந்தரங்க உறுப்பில் இரத்த ஓட்டம் பாதிக்கப்பட்டு, விறைப்புத்தன்மை பிரச்சனையை வழிவகுக்கும்.

தூங்குவதில் சிரமத்தை சந்திப்பது

ஒருவர் சரியான அளவு தூக்கத்தை மேற்கொள்ளாமல் இருந்தால், அது உடலில் பல பிரச்சனைகளுக்கு வழிவகுக்கும். முக்கியமாக தூங்கும் போது மிகவும் சப்தத்துடனான குறட்டையை விடுபவர்கள், இரவு முழுவதும் இடையூறுடன் சுவாசிக்க நேரிடுகிறது. இப்படி குறட்டை விடும் பழக்கம் கொண்ட சுமார் 70 சதவீத ஆண்களுக்கு விறைப்புத்தன்மை பிரச்சனை உள்ளதென பாலியல் மருத்துவத்திற்கான சர்வதேச சமூகம் கூறுகிறது.

தூக்க பிரச்சனையானது டெஸ்டோஸ்டிரோன் அளவைப் பாதிப்பதோடு, மன அழுத்தம் அல்லது பதற்ற உணர்வை அதிகரிக்கிறது. இதன் விளைவாக பாலுணர்ச்சி அழிக்கப்பட்டு, உடலுறவின் போது விறைப்புத்தன்மை ஏற்படுவதில் சிரமத்தை சந்திக்க வைக்கிறது.

விறைப்புத்தன்மைக்கான அறிகுறி தெரியும் போது என்ன செய்வது?

ஒரு ஆணுக்கு மேலே கொடுக்கப்பட்டுள்ள அறிகுறிகளை உணரும் போது, சற்றும் தாமதிக்காமல் மருத்துவரிடம் இதுக்குறித்து கூற வேண்டியது மிகவும் முக்கியம். இதன் மூலம் விறைப்புத்தன்மை பிரச்சனை தீவிரமடைவதைத் தடுக்கலாம். மேலும் உடலில் வேறு ஏதேனும் பிரச்சனைகள் இருந்தால், அதையும் ஆரம்பத்திலேயே அறிந்து சிகிச்சை மேற்கொள்ளலாம்.

மேலும், சில உணவுகளை சாப்பிடுவதால் ஆண்களின் விறைப்பை அதிகரிக்க செய்யலாம். அவற்றை குறித்து தொடர்ந்து காணலாம்…

பூண்டு

பாலியல் உறுப்பில் போதிய அளவிலான இரத்த ஓட்டம் இல்லாதது ஆணுறுப்பு எழுச்சிக் குறைபாட்டிற்கான முக்கிய காரணங்களில் ஒன்றாகும். இரத்த ஓட்டத்தை சீராக்கி அழுத்தத்தை அதிகரிக்க பூண்டு உதவும். இதனால் பாலியல் உறுப்பு தூண்டப்படும். மேலும் ஆண்களின் விந்தணு எண்ணிக்கையை அதிகரிப்பதற்கு பூண்டில் பல கனிமங்கள் வளமையாக உள்ளது.

மாதுளை பழம்

மாதுளை பழம் என்பது பல காரணங்களால் சக்தி வாய்ந்த உணவாக விளங்குகிறது. கனிமங்கள் மற்றும் அதிமுக்கிய வைட்டமின்கள் வளமையாக உள்ள இந்த பழம் இயற்கையான முறையில் ஆண்மை குறைவை நீக்கும். ஆன்டி-ஆக்சிடன்ட்கள் கலவை வளமையாக உள்ள மாதுளை பழம் ஆண்களின் விந்தணு எண்ணிக்கையை போதிய அளவில் அதிகரிக்கும்.

டார்க் சாக்லெட்

ஆணுறுப்பு எழுச்சிக் குறைபாட்டு பிரச்சனையை பொறுத்த வரை, அதற்கு தீர்வை அளிக்கும் அதிசயத்தை தருகிறது டார்க் சாக்லெட். டார்க் சாக்லெட்டில் இரத்த சுற்றோட்டத்தை மேம்படுத்தும் ஃப்ளேவோனாய்டுகள் உள்ளது. மேலும் ஆணுறுப்பு எழுச்சிக் குறைபாட்டிற்கு முக்கிய காரணமாக விளங்கும் கொலஸ்ட்ரால் அளவை குறைக்கவும் இது உதவுகிறது.

வாழைப்பழங்கள்

தினமும் ஒரு வாழைப்பழம் உட்கொண்டால போதும், ஆணுறுப்பு எழுச்சிக் குறைபாடு மெல்ல நீங்கும். வாழைப்பழத்தில் பிரோம்லைன் என்ற முக்கிய என்ஸைம் உள்ளது. இது உடலில் உள்ள பாலியல் ஹார்மோன்களை சீராக்க உதவுகிறது என்பது நிரூபிக்கப்பட்டுள்ளது. இது போக வாழைப்பழத்தில் வைட்டமின் ஏ மற்றும் பி1 வளமையாக உள்ளதால், அது ஆண்களின் ஆற்றலை ஊக்குவித்து, பாலியல் மனநிலையை தூண்டி விடும்.

கடல் சிப்பி

ஆண்களின் விந்தணு எண்ணிக்கைகளை அதிகரிக்க உதவும் உணவுகளில் மற்றொன்று தான் கடல் சிப்பிகள். பாதிப்படைந்த விந்தணுக்களுக்கு உதவிடும் கடல் சிப்பிகள்.

வால்நட்

இயற்கையான முறையில் விந்தணு எண்ணிக்கையை அதிகரிக்க உதவும் முக்கியமான பொருளான அர்கனைன் வால்நட்களில் உள்ளது. விந்தணு உற்பத்தியில் விரைக்கு உதவிடும் அர்கனைன். திடமான விறைப்பிற்கும் கூட வால்நட் உதவுகிறது. இது போக, வால்நட்களில் உள்ள ஒமேகா-3 கொழுப்பமிலங்கள், ஆண்களின் பாலியல் உறுப்பில் இரத்த ஓட்டத்தை சீராக்க உதவிடும்.

வெண்ணெய்ப் பழம்

இதற்காக தானே நாம் காத்து கொண்டிருந்தோம்; ஆம், பல மருத்துவ நிலைகளை குணப்படுத்தும் ஆற்றலை கொண்டுள்ள ஆரோக்கியமான பழமாக வியாழ்ந்குகிறது வெண்ணெய்ப்பழம். ஃபோலிக் அமிலம், வைட்டமின்கள் மற்றும் வெள்ளத்தை போல் கனிமங்கள் வளமையாக அதில் அடங்கியுள்ளதால், விந்தணு இயக்கத்தை ஊக்குவிக்கும். ஆணுறுப்பு எழுச்சிக் குறைபாட்டிற்கான மிகச் சிறந்த இயற்கை சிகிச்சைகளில் இதுவும் ஒன்றாகும்.

அஸ்பாரகஸ்

அஸ்பாரகஸ் என்னும் தண்ணீர்விட்டான் கிழங்கில் ஆன்டி-ஆக்சிடன்ட்கள் வளமையாக உள்ளது. பல மருத்துவ நிலைகளை குணப்படுத்தும் ஆற்றலை கொண்டுள்ளது இது. ஆண்களின் விந்தணு எண்ணிக்கையை ஊக்குவிக்கும் மிகச் சிறந்த உணவுகளில் இதுவும் ஒன்றாகும்.

உடற்பயிற்சி

இப்போது நம் கவனத்தை சற்று திருப்பி, ஆண்மை குறைவிற்கான இயற்கை சிகிக்ச்சைகள் பக்கமாக மாற்றுவோம். உடற்பயிற்சி என்பது மிகவும் முக்கியமாகும். உங்கள் உடலில் அளவுக்கு அதிகமான கொழுப்பு இல்லையென்றால், தானாகவே விந்தணு உற்பத்தி மேம்படும். அதனால் இளைத்த எடையில் ஆரோக்கியமாக விளங்கிடுங்கள். மேலும் உங்கள் நோய் எதிர்ப்பு சக்தியை ஊக்குவிக்கவும் மெட்டபாலிச வீதத்தை மேம்படுத்தவும் இது உதவுகிறது.

யோகா

ஆணுறுப்பு எழுச்சிக் குறைபாட்டை குணப்படுத்த உதவும் சிறந்த வழிகளில் யோகாவும் ஒன்றாகும். இது உடலில் உள்ள இரத்த ஓட்டத்தை சீர்படுத்தி பாலியல் உறுப்புகளை ஊக்குவிக்கும்.

கீரை மற்றும் பச்சை காய்கறிகள்

ஆன்டி-ஆக்சிடன்ட்கள் மற்றும் ஜிங்க் வளமையாக உள்ள கீரை மற்றும் பச்சை காய்கறிகள் உங்கள் ஆணுறுப்பு எழுச்சிக் குறைபாட்டை சிறப்பாக குணப்படுத்தும்.

பீன்ஸ்

பீன்ஸ், குறிப்பாக கிட்னி பீன்ஸில், ஜின்க் வளமையாக உள்ளது. இதனால் ஆணுறுப்பு எழுச்சிக் குறைபாடு மற்றும் ஆண்மை குறைவை இயற்கையான வழியில் இது குணப்படுத்தும்.